Gofalwr Maeth – Gweithiwr Proffesiynol Blynyddoedd Cynnar

Mae eich gofal wedi siapio bywydau bach — nawr gallech chi newid un am byth.

Dechreuwch eich taith fel Gofalwr Maeth Pontio Lleol heddiw.

Ydych chi’n gweithio fel nani neu warchodwr plant – yn darparu gofal, cysur a chysondeb i blant bob dydd?

Ydych chi erioed wedi meddwl am ddefnyddio eich profiad i newid bywyd person ifanc, trwy gynnig sefydlogrwydd a pherthyn yn eich cartref eich hun?

Gyda Maethu Cymru Sir y Fflint, gallwch chi wneud hynny.

Mae gennych eisoes yr hyn sydd ei angen – cynhesrwydd, amynedd, strwythur, a’r gallu i diwnio i anghenion plentyn. Nawr, gallwch ddefnyddio’r un rhinweddau hynny i helpu person ifanc i deimlo’n ddiogel, wedi’u cefnogi, ac yn barod ar gyfer y cam nesaf mewn bywyd.

Mae hyn yn fwy na maethu traddodiadol.
Dyma Faethu Pontio Lleol, ac efallai mai hon fydd y rôl fwyaf ystyrlon i chi ei chymryd erioed.

Beth yw Maethu Pontio Lleol?

Mae ‘Lleol’ yn golygu o fewn eich ardal – ac mae aros yn lleol yn gwneud gwahaniaeth mawr.
Dydyn ni ddim yn asiantaeth breifat. Ni yw gwasanaeth maethu awdurdodau lleol Sir y Fflint, sy’n canolbwyntio’n gyfan gwbl ar blant o’n cymunedau ein hunain.

Rydym yn gweithio i ddod o hyd i’r cartrefi cywir – yma yn Sir y Fflint, gyda phobl fel chi.

Fel nani neu warchodwr plant, rydych chi eisoes yn gwybod pa mor bwysig yw hi i blant aros yn agos at leoedd, arferion a phobl y maent yn ymddiried ynddynt. Mae maethu’n lleol yn helpu pobl ifanc i gadw mewn cysylltiad â’r systemau cymorth y maent yn dibynnu arnynt, gan gynnwys eu hysgol, eu ffrindiau a’u cymuned.

Mae angen mwy na gofal maeth traddodiadol ar rai pobl ifanc.
Efallai y byddant yn camu i lawr o ofal preswyl neu leoliadau cymorth uchel, ac mae angen amser, gofod, a chefnogaeth medrus ac amyneddgar arnynt i addasu i fywyd teuluol.

Dyna lle gall eich profiad chi o ofal wneud y gwahaniaeth mawr.

Allech chi ddod yn Ofalwr Maeth Pontio Lleol?

Rydym yn chwilio am bobl sydd â phrofiad bywyd go iawn yn gofalu am blant, ac mae hynny’n cynnwys nanis, gwarchodwyr plant, a gweithwyr proffesiynol y blynyddoedd cynnar.

Mae angen pobl arnom sydd â’r profiad sydd gennych chi ac sy’n gallu cynnig:

• Amgylchedd cartref tawel, meithringar
• Eich gofal a’ch ymrwymiad llawn amser
• Y gallu i adeiladu perthnasoedd cryf, llawn ymddiriedaeth

Pecyn cymorth sy’n adlewyrchu eich ymroddiad

Rydym yn deall faint o ymrwymiad y mae ei angen ar gyfer y rôl hon, ac rydyn ni yma i’ch cefnogi’n llawn. Byddwch yn derbyn hyfforddiant cynhwysfawr, cymorth ariannol hael, ac arweiniad parhaus i’ch helpu i lwyddo.

• Pecyn cymorth ariannol blynyddol o £50,000
• Hyd at £258.79 o lwfans maethu wythnosol (dros £13,453 yn flynyddol)
• Lwfansau ychwanegol ar gyfer penblwyddi, gwyliau a’r Nadolig (hyd at £1,035 bob blwyddyn)

A hefyd:

• Cymorth wedi’i bersonoli gan eich tîm lleol ym Maethu Cymru Sir y Fflint
• Gofalwr cymorth cysylltiedig am gyngor a chefnogaeth wrth gefn
• Hyfforddiant therapiwtig arbenigol i fagu eich hyder
• Grwpiau cymorth cymheiriaid a gweithgareddau lles rheolaidd
• Gostyngiad o 50% yn y Dreth Gyngor
• Aelodaeth Cerdyn Golau Glas i gael gostyngiadau cenedlaethol
• Gwobrwyo a chydnabyddiaeth drwy’r Ap CareFriends
• Aelodaeth am ddim yn y Rhwydwaith Maethu a mynediad i’r gymuned cymorth Mockingbird (lle bo ar gael)

Rydym yn chwilio am bobl sydd:

• Â phrofiad personol neu broffesiynol o ofalu am blant
• Yn gallu darparu cartref sefydlog, meithringar llawn amser
• Ag ystafell wely sbâr
• Yn dal trwydded yrru lawn
• Yn fodlon dysgu, adfyfyrio a gweithio’n agos gyda’n tîm

Rydym fel arfer yn gofyn nad oes gennych blant o dan 16 oed yn byw gartref, ond rydym yn ystyried pob cais yn unigol er mwyn sicrhau’r gyfatebiaeth orau i bob person ifanc.

Rydych chi wedi gofalu am blant – nawr gallwch chi newid bywyd.

Rydych chi eisoes yn gwybod sut i roi’r sylw a’r gefnogaeth sydd eu hangen ar blant i deimlo’n ddiogel a thyfu.
Nawr, gallwch gymryd y gofal hwnnw ymhellach fyth, trwy gynnig i berson ifanc nid yn unig strwythur a diogelwch, ond yr ymdeimlad o deulu y maen nhw’n ei haeddu.

Ni yw Maethu Cymru Sir y Fflint, ac rydym yma ar gyfer ein cymuned, ein pobl ifanc, ac i chi.